CMIОтдел образования акимата Шуского района

Бірлік – біздің қасиетті туымыз

Шу ауданы әкімдігінің білім бөліміне қарасты «Мәңгілік Ел» тәрбие және білім беру орталығының ұйымдастыруымен 2016 жылдың 23 қараша күні «Бірлік – біздің қасиетті туымыз» тақырыбында Жаңа жол ауылы, Б.Момышұлы атындағы орта мектебінде фестиваль өткізілді.

Қатысқандар:«Мәңгілік ел» тәрбие –білім беру орталығының директоры А.Тастанова, Әзірбайжан ұлттық орталығының өкілі Мухамеджанова Гульханум Насруллаевна, Алға атындағы орта мектебі, Амангелді атындағы орта мектебі, Еңбекші атындағы орта мектебі, Домалақ–Ене атындағы орта мектебі, Ж.Баласағұни атындағы орта мектебі , Жайсан атындағы орта мектебі, Естемесов атындағы орта мектебі, Ш.Уалиханов атындағы орта мектебі, Ы.Алтынсарин атындағы орта мектеп.

«Бірлік біздің қасиетті туымыз» атты байқау 5 (бес) кезеңнен тұрады.

1-кезең Таныстыру

2-кезең Ұлттық би(жеке және топтық 5мин)

3-кезең Ұлттық ән.( дуэт, трио, квартет )

4-кезең Ұлттық тағамдарының ерекшелігі. (дайын өнімге түсініктеме беру)

(ұлттық тағам ерекшелігін көрсету 5мин)

5-кезең Сахналық көрініс. «Бірлік біздің қасиетті туымыз» тақырыпты ашу. (достық, бірлік, татулық тақырыбында 7мин)

1.Алға атындағы орта мектебі «Орыс халқының» өнерімен таныстырады.

2.Амангелді атындағы орта мектебі «Ұйғыр халқының» өнерімен таныстырады.

3.Еңбекші атындағы орта мектебі «Түрік халқының» өнерімен таныстырады.

4.Домалақ–Ене атындағы орта мектебі «Грузин халқының» өнерімен таныстырады.

5.Ж.Баласағұни атындағы орта мектебіКүрт халқының» өнерімен таныстырады.

6.Жайсан атындағы орта мектебі «Өзбек халқының» өнерімен таныстырады.

7.С.Естемесов атындағы орта мектебі «Неміс халқының» өнерімен таныстырады.

8.Ш.Уалиханов атындағы орта мектебі «Әзірбайжан халқының» өнерімен таныстырады.

9.Ы.Алтынсарин (а) атындағы орта мектебі «Украин халқының» өнерімен таныстырады.

Марапаттау:

Бас жүлде - Б.Момышұлы атындағы орта мектебі «Кәріс халқы»

1 орын – Ы.Алтынсарин (а) атындағы орта мектебі «Украин халқы»

1 орын - Жайсан атындағы орта мектебі «Өзбек халқы»

2 орын-С.Естемесов атындағы орта мектебі «Неміс халқының»

2 орын-Домалақ–Ене атындағы орта мектебі «Грузин халқы»

З орын- Ш.Уалиханов атындағы орта мектебі «Әзірбайжан халқы»

Фестиваль барысында түсірілген суреттер.

 ЖАҢА  БАҒДАРЛАМА - ЖАҢАЛЫҚҚА  БАСТАР  ТУРА  ЖОЛ

Елімізде білім беру жүйесін әлемдік білім беру жүйелерінің деңгейіне жеткізу мақсатында бастауыш сыныптан бастап білім берудің жаңа жүйесін енгізуде. Оқытудың жаңа әдіс-тәсілдерін енгізу арқылы Қазақстанның ұлттық білім беру жүйесіне арналған орта білім мазмұнын жаңарту бағдарламасын жүзеге асыру мақсатында «Өрлеу» біліктілікті арттыру ұлттық орталығы» акционерлік қоғамы филиалы Жамбыл облысы бойынша педагогикалық қызметкерлердің біліктілігін арттыру институтының тренерлері Шу ауданында бірнеше курстар өткізіп, ұстаздардың педагогикалық шеберлігін жетілдіруде. Үстіміздегі жылдың қазан айының 24 мен 11-қараша аралығында тренер Махадиева Бақытгүл Омирбековнаның жетекшілігімен ауданымыздың бастауыш сынып мұғалімдері «Қазақстан Республикасында орта білім мазмұнын жаңарту шеңберінде қазақ тілінде оқытатын мектептердегі бастауыш сынып пәндері бойынша педагогика кадрларының біліктілігін арттыру» курсынан өтуде. Бүгінгі күні білім беру жүйесі алдында оқушыға табысты білім беру міндеті тұр, табысты білімде оқушы бойында ХХІ ғасыр дағдылары, яғни алған ақпаратты есте сақтап, ой қорытып, түсіне отырып алған білімін әртүрлі салада қолдану қалыптасады. Курста білім алып жатқан ұстаздар қауымы жаңа жүйемен білім алатын оқушылар бойында рухани құндылықтар мен дағдылар қалыптастыру, спиральді білім беру бағдарламасы моделі, критериалды бағалау жүйесі туралы білімдерін шыңдап, тәжірибеде қолдану шеберліктерін жетілдіруде. Курста өтілген әр күн ұстаздар үшін өте қызықты мәліметтерге толы, бағдарламада басты назарда ұсталып отыратын төрт дағды оқылым, жазылым, тыңдалым мен айтылымды дамыта отырып сабақ мақсаттарын құруда, жаңаша әдіс-тәсілдермен берілген сабақ бұрынғы дәстүрлі сабақтарға қарағанда өте тиімді екендігіне көз жеткізуде, жаңа бағдарламамен ұстаздар бір-бірімен тәжірибе бөлісіп, түрлі сабақ үлгілерін көрсетуде. Сабақ берудің жетілген әдіс-тәсілдерімен жете танысып, курс бағдарламасын меңгерген ұстаздар қауымы осы оқу жылына тың өзгерістер әкелеріне сенімдіміз.

Шу ауданы әкімдігінің білім бөліміне қарасты №18 М.Әуезов атындағы орта мектепте 2016 жылдың 24 ақпанында Тәуелсіздіктің 25 жылдығына орай өткізілген «Тәуелсіздік – Тәңірден келген тәтті сый!» тақырыбында аудандық семинар өтті. Семинарға аудан мектептерінің тәрбие ісі жөніндегі орынбасарлары қатысып, мерекелік көңіл күй кешті.

Шу ауданы әкімдігінің білім бөліміне қарасты М.Х.Дулати атындағы орта мектепте Тәуелсіздіктің 25 жылдығына орай «1 наурыз – алғыс айту күні» мерекелік іс-шара өтті. Іс-шараның мақсаты: өскелең ұрпақты Отан сүйгіштікке, имандылыққа, ұлтын, Отанын құрметтейтін азамат болып өсуге, ізеттілікке тәрбиелеу. Іс-шараға 45 оқушы тартылып, мектеп мұғалімдерінің бәрі атсалысты.

Шу ауданы әкімі аппаратының мәжіліс залында Тәуелсіздігіміздің 25 жылдығы қарсаңында 2016 жылдың «Мектепке жол» акциясы аясында «Бақытты балалық шақ мекені!» ұранымен қайырымдылық іс- шара өтті. Қамтылған оқушылар саны -25 аз қамтылған отбасынан шыққан бала. Аудан әкімі Р.Дәулет балаларға сәттілік, мектепте жақсы оқушы атануларына тілектес екендігін айтты.

Шу ауданы Төле би ауылындағы мәдениет үйінде ҚР Тәуелсіздігінің 25 жылдығына арналған «Қалдырған ізің мәңгілік...» атты ұстаздар мерекесіне арналған салтанатты жиын өтті. Салтанатты жиында аудан әкімі Р.Дәулет аудан мектептерінің үздік мұғалімдері мен ардагер ұстаздары мерекелерімен құттықтап, марапаттаулар мен сый-сияпаттар тапсырды.

Шу ауданы Бірлік ауылында ҚР Тәуелсіздігінің 25 жылдығына арналған «Мәңгілік ел – өнер құшағында» атты ауыл күні ұйымдастырылып, өткізілді. Мерекелік іс-шараға Бірлік ауылының тұрғындары мен М.Х.Дулати атындағы орта мектеп ұжымы белсене қатысты. Мерекелік іс-шараға жүзден аса оқушылар мен мұғалімдер тартылды.

Шу ауданы Оразалы батыр ауылындағы Ы.Алтынсарин атындағы орта мектепте Тәуелсіздіктің 25 жылдығына орай отбасы күніне арналған«Әкем, анам және мен» отбасылық спорттық сайыс өтті. Сайысқа 6 отбасы қатысып, үш жүлделі орынды өзара бөлісіп алды.

Шу ауданы әкімдігі білім бөлімінің ұйымдастыруымен Төле би ауылындағы Балалар мен жасөспірімдер орталығында ҚР Тәуелсіздігінің 25 жылдығына орай «Жырым да сен, сырым да сен - Тәуелсіздік» атты аудандық патриоттық әндер байқауы өтті. Байқаудың мақсаты – мектеп жасындағы оқушылар арасында талантты жаңа есімдерді анықтаумен қатар, еліне деген сүйіспеншілігі мен еліміздің рухани өміріндегі жетістіктеріне үлес қосу еді; Байқауға аудан мектептерінен 20 оқушы қатысып, бас жүлдені Бірімқұл Ғабит (жоғарғы топ бойынша) және Грибенюк Роман (кіші топ бойынша) жеңіп алды.

Шу ауданы әкімдігі білім бөліміне қарасты Барлық білім беру ұйымдарында бір уақытта (2016 жыл, 15 қазан, сағат 11.00) «Біз тәуелсіз Қазақстанның балаларымыз» атты флэшмоб ұйымдастырылып өткізілді. Флешмобқа аудан мектептерінің барлығы қатысты.

Шу ауданы әкімдігі білім бөліміне қарасты «Жерұйық» жас натуралистер станциясында білім мекемелеріндегі экологтардың ұйымдастыруымен 2016 жылдың 25 қазанында Қазақстан Республикасы Тәуелсіздігінің 25 жылдығына орай «Тәуелсіздік аллеясы» атты көгалдандыру акциясы ұйымдастырылып, «Тәуелсіздіктің 25 жылдығына – 25 қарағай» атты аудандық іс-шара өтті. Іс-шараға Төле би ауылындағы мектеп оқушылар мен мұғалімдері белсене қатысып, қарағай егумен басталса, соңы концерттік бағдарламамен аяқталды.

Шу ауданы әкімдігінің білім бөліміне қарасты білім мекемелерінің Қазақстан Республикасы Тәуелсіздігінің 25 жылдығына орай 5-11 сынып оқушылары арасында 2016 жылдың 26 қазанында «Тәуелсіздігім мақтанышым» атты сурет байқауы өтті. Байқауға аудан мектептерінің оқушылары атсалыса қатысты.

Шу ауданы әкімдігінің білім бөліміне қарасты барлық мектептерде 2016 жылдың 14 қараша күні Тәуелсіздіктің 25 жылдығы аясында ант қабылдаумен «Жас Ұлан» қатарына салтанатты қабылдау өтті. Атап айтсақ, Төле би ауылыдағы әл-Фараби атындағы орта мектепте бұл іс-шара ерекше аталып өтті. Іс-шараға «Нұр Отан» партиясының хатшысы Бастаубаева Сұлутай Абдуалиевна, Шу ауданы әкімінің ішкі саясат бөлімінің басшысы Аскарова Элмира Ақылбековна қатысып, жасұландықтардың мойнына галстук байлады. Іс-шара соңы концерттік бағдарламамен ұласып жалғасын тапты.