CMIОтдел образования акимата Шуского района

Шу ауданы әкімдігінің білім бөлімі әдістемелік кабинетінің 2020 жылға арналған жұмыс жоспарына сәйкес 21.02.2020 жылы Е.Бекмаханов атындағы мектеп-гимназияның базасында «Робототехника және ІТ: оқытудан тәжірибеге» атты аудандық семинар-практикум өткізілді. Семинар-практикум мектеп психологы Оспанова Эльмираның психологиялық тренингінен басталып, мектеп директоры Азиза Тоқсабайқызының алғы сөзінен кейін ашылды. Презентациялық бөлімде Жамбыл атындағы гимназияның информатика пәні мұғалімі Әбенова Әйгерім «Arduino» платформасының құрылымы мен мүмкіндіктерін таныстырып, Жамбыл атындағы орта мектебінің үйірме жетекшісі Әлдижан Сәтжан «LEGO mindstorms EV3» робототехникалық құрылғыларының ерекшеліктерімен таныстырды. Сонымен қатар, Абай атындағы орта мектебінің информатика пәні мұғалімі Куралбаева Әсел «Makeblok» роботтарының құрылымымен таныстырып, Е.Бекмаханов атындағы мектеп-гимназияның информатика пәні мұғалімдері Кошербаева Нұрсұлу мен Айтжанова Айдана «Weemake» роботтарының ерекшеліктерін көрсетті. Сонымен қатар, аудандағы 24 робототехника үйірмелері мен 6 ІТ үйірмелердің жетекшілері мен тәрбиеленушілері тарапынан сан түрлі жобалар ұсынылып, олардың құрылымы мен ерекшеліктері туралы таныстырылым жасалды. Семинар соңында іс-шараға белсене қатысқан ұстаздар мен оқушыларға Алғыс хаттар берілді.