CMIОтдел образования акимата Шуского района

Мектеп асханасына жаңа көзқарас қалыптастыруды қолға алған «Нұр Отан» партиясы «Мектеп асханасы» партиялық жобасын жүзеге асыруда. Осыған орай, «Нұр Отан» партиясы аудандық филиалы төрағасының бірінші орынбасары Д.Б.Әліпбаев,білім бөлімінің бас маманы М.Булекбаева, «Атамекен» кәсіпкерлік палатасының директоры Е.Аймамбетов, Шу өңірі газетінің тілшілері партиялық жоба аясында ,Төле би ауылындағы М.Мақатаев атындағы тірек орта мектебі мен С.Шәкіров атындағы орта мектептердің асханалары зерделенді. Жоба стандартына сай, мектеп асханаларында оқушылардың сапалы тамақпен қамтамасыз етілуі, кәсіпкерлердің СЭС ережесі мен ұсыныстарына сай қызмет көрсетуі, бейнебақылау камераларының бар-жоқтығы, ас мәзіріндегі денсаулыққа зиян тағамдардың болмауы, оқушылардың тамақтану уақыты жіті тексерілді. Арнайы құрылған комиссия құрамындағы аудандық білім бөлімі, кәсіпкерлер палатасының өкілдері, жергілікті депутаттар, ата-аналар комитетінің мүшесі жүргізген алғашқы рейд жұмысы ары қарай жалғасын тауып, аудандағы барлық білім беру мекемелеріндегі асханалар зерделенетін болады.